11, 13-нд нутгийн хойд хэсгээр бороо орж, сэрүүхэн байна

2026 оны 06 дугаар сарын 08-наас 06 дугаар сарын 17-ныг хүртэлх  10 хоногийн цаг агаарын урьдчилсан төлөв: 11, 13-нд нутгийн хойд хэсгээр бороо орж, сэрүүхэн байна. 

Хур тунадас: 08-нд нутгийн зарим газраар, 09-нд баруун аймгуудын нутгийн баруун, төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 10-нд нутгийн баруун хагаст, 11-нд нутгийн төв хэсгээр, 12-нд нутгийн зүүн хагаст, 13-нд нутгийн хойд хэсгээр, 14-нд баруун аймгуудын нутгийн зарим газар, зүүн аймгуудын ихэнх нутгаар, 15-нд зүүн аймгуудын нутгийн зүүн хэсгээр бороо, дуу цахилгаантай аадар бороо орно.

Салхи: Ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ.

Агаарын температур: 11, 13-нд нутгийн хойд хэсгээр бага зэрэг сэрүүсэх боловч бусад хугацаанд Монгол-Алтай, Дархадын хотгор, Хүрэнбэлчир орчим, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын голын хөндийгөөр шөнөдөө +2...+7 градус, өдөртөө +16...+21 градус, говийн бүс нутгийн өмнөд хэсгээр шөнөдөө +12...+17 градус, өдөртөө +27...+32 градус, бусад нутгаар шөнөдөө +5...+10 градус, өдөртөө +20...+25 градус дулаан байна.

                     Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 11, 13-нд бороо, 12-нд бага зэргийн аадар бороо орно.  

Салхи: Ихэнх хугацаанд их төлөв баруунаас секундэд 5-10 метр, борооны өмнө салхи түр зуур ширүүснэ. 

Агаарын температур: 11, 13-нд бага зэрэг сэрүүсэж шөнөдөө +1...+6 градус, өдөртөө +17...+22 градус, бусад хугацаанд дулаарч шөнөдөө +5...+10 градус, өдөртөө +20...+25 градус дулаан байна.