Б.Сүндэръяа: Ц.Анандбазар гишүүн тохиролцох санал тавьсан

Иргэн Б.Сүндэръяа өнөөдөр /2021.4.14/ Цагдаагийн ерөнхий газарт хүчирхийллийн асуудлаар гомдол гаргалаа. Тэрээр өнгөрсөн хугацаанд маш их дарамт шахалт байсан бөгөөд удаа дараа цагдаагийн байгууллагад гаргасан гомдол хэрэг шийдэгддэгүй байсан нь "Улаан бал" нэвтрүүлэгт орсны дараа шийдэгдэж эхэлснийг хэллээ. Өнөөдөр тэрээр УИХ-ын гишүүн Ц.Анандбазар гишүүний асуудлаар гомдол гаргаж байгаа бөгөөд Ц.Анандбазар гишүүнтэй холбоотой гомдлоор 1000 гаруй эмэгтэй түүнд ханджээ. Б.Сүндэръяа: Би Ц.Анандбазар гишүүнтэй 2019 онд танилцаж байсан. Танилцах хүсэлтийг манай найзаар дамжуулан олон удаа тавьж байсан ч тэр болгонд нь татгалзаж байсан. Танилцах шалтгаан байсан юм билээ. Түүнийг нь одоогоор олон нийтэд хэлэх боломжгүй байна.  Энэ талаар дэлгэрэнгүйг өргөдөл гомдолдоо тусгасан. Ц.Анандбазар гишүүний асуудлаар 1000 гаруй охин надтай холбогдсон. Миний хувьд нандин нууцаараа Ц.Анандбазар гишүүнд барьцаалагдсан. Насаараа ингэж дарамтлагдаж чадахгүй. Энэ хүн төрийн өндөр албан тушаалтай, тэрбумтан хүн. Энэ хүнийг би дийлэхгүй болохоор өргөдөл гомдол гаргаж чадахгүй байсан. Бүх нотлох баримт надад байгаа. Ц.Анандбазар гишүүнтэй холбоотой хэргээс үүдэлтэйгээр "Me too" хөдөлгөөн сошиал орчинд эрчимжэж байна.